Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 1

“Bavule dyalelo bakomenwanga kukulupila mu muntu ye-yense mwanda milao mivule keilamwangapo mu ano etu mafuku. Le ulanga kudi muntu otukokeja kukulupila shi wetulaya? [Muleke akulondolole. Kupwa tanga Yoshua 23:14.] Dino dipepala dilombola mwa kutamijija kikulupiji mu milao ya Leza isonekelwe mu Bible.”

Réveillez-vous ! 22 Kweji 1

“Namino’u mo mwādi mwikadile dijina dya Leza mu ludimi lwa Kihebelu. [Lombola pa kibalu.] Bantu bamo i basumininwe amba dino dijina kedifwaninwepo kutelwa na diwi ditunduke nansha dimo. Bakwabo nabo amba difwaninwe kutelwa pambulwa kwikaka. Uno Réveillez-vous ! wisambila pa luno lupata. Kadi ulombola ne motukokejeja kuyuka dijina dya Leza.” Tanga Mitōto 83:18.

Kiteba kya Mulami 1 Kweji 2

“Batwe bavule tuloñanga buninge bwa kwikala bakomo ku ngitu. Inoko, bwifundi bwa panopano bulombola amba kwikala biyampe kutala ne būmi bwetu bwa ku mushipiditu. Le ulanga’mba mo mobikadile? [Muleke akulondolole. Kupwa tanga Mateo 5:3.] Ino nimelo ya Kiteba kya Mulami īsambila pa muswelo otukokeja kuvuija bisakibwa byetu bya ku mushipiditu.”

Réveillez-vous ! 8 Kweji 2

“Bavule dyalelo badi na būmi buyule mingilo bakomenwa’nka ne kulāla tulo. Padi uketabija bino binenwa byāsonekelwe pano kepadi myaka 3000 ne kupita. [Tanga Musapudi 4:6. Kupwa muleke akulondolole.] Ino nimelo ya Réveillez-vous ! ilombola mwa kuyukila makambakano a kubulwa tulo ne mwa kupwila mapu a tulo.”