Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 5

“Lelo abe kweipangwile kashā shi Leza utenekwanga na bintu bilonga bantu pano panshi? [Muleke alondolole.] Tala bilongwa byetu mobikokejeja kuteneka Leza ku mutyima. [Tanga Nkindi 27:11.] Dino dipepala dibandaula bimfwa bimobimo bya bantu bāsangeje mutyima wa Leza, kadi dishintulula muswelo otukokeja netu kumusangaja.”

Réveillez-vous ! 22 Kweji 5

“Kiñanga ke kyendelele kumeso mu kulwa na mba, ino le ulanga’mba kudi difuku dyotukekala mu ntanda yampikwa misongo? [Muleke alondolole.] Dino dipepala dishintulula amba difuku dimo muntu ne muntu pano pa ntanda ukekala na bukomo bwa ngitu bubwaninine pakafikidila uno mulao.” Tanga Isaya 33:24.

Kiteba kya Mulami 1 Kweji 6

“Bantu bamo bamonanga’mba kwitabila mu kipwilo kampanda mwanda wa kutōta Leza kekudipo na mvubu. Lelo nobe kweipangwile kashā uno mwanda? [Muleke alondolole.] Dino dipepala dibandaula nsekununi ya mwādi mulongela Leza na bantu ba pa kala. Ne kadi dibandaula kutōta Leza na bubinebine kushintulula bika.” Tanga Yoano 4:24.

Réveillez-vous ! 8 Kweji 6

“Dyalelo bantu bavule basusukanga na bushiyena. Bushiyena i malangatyima a muntu kwiivwana bu udi’nka bunka bwandi. Le nobe kwitabijepo amba kino kibwanya kususula muntu? [Muleke alondolole. Kupwa tanga Mitōto 25:16.] Uno Réveillez-vous ! uleta madingi mayampe a mwa kulwila na bushiyena.”