Dishike dyaVideo Didi na Musapu wa Kamweno
Le i musapu’ka udi na dishike dya video dinena’mba David : il mettait sa confiance en Dieu. I uno: tufwaninwe kukulupila mudi Yehova pamo’nka bwa Davida. (Mit. 91:2) Kubandila myanda mikatampe ya umbūmi bwa Davida kukakwasha bana ne batame bene kumo baboile ñeni ku kimfwa kyaāshile. (Mit. 31:14) Pa mwanda wa kamweno ketu, dino dishike dya DVD didi ne na “Bipangujo bya Video” ne “Myanda ya Kwifunda” ibala-inga.
Tala uno video, kupwa wiipangule abe mwine: (1) Mwanda waka Yehova wātongele mulopwe muyampe? (1 Sam. 15:10, 11; 16:1) (2) Mwanda waka kātongelepo umo pa banababo na Davida? (1 Sam. 16:6, 7) (3) Mwanda waka Solo wādi usaka Davida amombele lunsense? (1 Sam. 16:14-23) (4) Le Ngodiata wādi ani? (1 Sam. 17:4-10) (5) Mwanda waka Davida wāsakile kulwa na Ngodiata? (1 Sam. 17:23, 24, 36, 37) (6) Lelo Yonafane nandi wādi ani? (1 Sam. 14:1) (7) I kika kyāfikije Solo ku kwikala walwana mukata wa Davida? (1 Sam. 18:25-29) (8) Mwanda waka Davida kāipailepo Solo? (1 Sam. 26:7-11) (9) Le Solo wāfwile muswelo’ka? (1 Sam. 31:1-6) (10) Davida wālongele bika paāyukile amba Yonafane wafu? (2 Sam. 1:11, 12) (11) Yehova wālaile Davida mulao’ka? (2 Sam. 7:12, 13, 16) (12) I bubi’ka bukatampe bwālongele Davida? (2 Sam. 11:1-5, 14-17) (13) Le Davida wālombwele namani amba wēalakenye mpata pangala pa bintu byaālongele? (Mit. 51) (14) Davida wāfundije nkasampe Solomone bufundiji’ka? (1 Bal. 2:1-4; 1 Bil. 22:6-13; 28:9, 10) (15) Ba Davida, Yonafane, ne abe mukamwena namani mu bulopwe bwa Yesu?—Is. 11:6-9; Yoa. 11:25, 26.
Pano langa’bo bidi: I muswelo’ka nobe okamwena mu kwiula kikulupiji kyādi na Davida mudi Leza?
Bambutwile, komenejai mu benu bana kamweno ka nyeke kadi mu kukulupila mudi Leza, pamo na mwāmukulupidile Davida.—Mit. 56:11.