Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 12

“Bantu bavule batompola bininge pa muswelo waikala mafuku a masobo bu bya busunga. Lelo ulanga’mba ano mafuku abajimija kitungo kyao? [Muleke alondolole.] Dino dipepala dibandaula muswelo wenda ushinta bibidiji bya mafetyi mungya bitatyi. Kadi disambila ne pa muswelo muyampe otubwanya kulēmeka Leza ne Kidishitu.” Tanga Yoano 17:3.

Réveillez-vous ! 22 Kweji 12

“Pano kekudi myaka 85, kipupo kimo kya luba kyaipaile bantu mu mayenga 24 kupita ne boba bepaibwanga na SIDA mu myaka 24. Bamobamo bekitelanga bu kinzengele kibi mpata mu mānga yonso. Le nobe kodi mwivwane kyokya kitwanga bu kipupo kya manzamba kyālupukile mu Espanye? [Muleke alondolole.] Dino dipepala dibandaula shi kino kintu kibwanya kulongeka monka. Kadi dilombola bubinga botufwaninwe kwikadila na kikulupiji.” Tanga Isaya 33:24.

Kiteba kya Mulami 1 Kweji 1

“Nansha bantu byobadi na bukomo bwa kulonga biyampe bivule, ino yō, pavule pene baloñanga bintu bibi kupita. Lelo nobe kodi mwiipangule mwanda waka kidi namino? [Muleke alondolole.] Dino dipepala dileta malondololo a Bible. Kadi dishintulula muswelo ukekala biyampe na bushindañani pa bibi.” Tanga Loma 16:20.

Réveillez-vous ! Kweji 1

“Lelo kweipangwile kashā mukekadila ino ntanda myaka 20 nansha 30 kumeso’ku? [Muleke alondolole. Kupwa tanga Mitōto 119:105.] Bible witutōkejeja kala dishinda tujingulule bisa kwituletela mafuku a kumeso. Dino dipepala dibandaula bupolofeto buvule bulombola koketudi mu kulunguluka kwa kitatyi ne kine kyotutengedile kitatyi kiyampe kumeso.”