Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 6

“Ulanga’tu na makambakano otwikoka nao ano, tukokeja kwikala na nsangaji? [Muleke alondolole.] Kino Kiteba kya Mulami kilombola nsulo ya madingi abwanya kwitukwasha tunekenye bikoleja bya umbūmi. Kadi kisambila ne pa muswelo witupa lukulupilo lwa binebine bukomo.” Tanga Kusokwelwa 21:3, 4.

Réveillez-vous ! Kweji 6

“Mwene nobe uyukile’tu amba bimpengele byalongekele ano mafuku bilombola amba kuteja bidyumu kudi na kamweno? [Muleke alondolole.] Kino kishinte kisambila pa boba bapandile ku Kimpumpu kitelwa bu Katrina ne ñeni yobaboile’ko. Kadi kilombola ne kidyumu kyotufwaninwe kulonda batwe bonso dyalelo.” Wisambile pa kishinte kishilula pa paje 14.

Kiteba kya Mulami 1 Kweji 7

“Mu ntanda ya dyalelo miyule tuvutakanya, bantu beipangulanga’mba: ‘Mwanda waka būmi i buyule makambakano onkaonka? Shi Leza udi’ko, mwanda waka katalula’kopo makambakano?’ Le nobe kweipangwile uno muswelo? [Muleke alondolole.] Kino Kiteba kya Mulami kileta malondololo a mu Bible aleta kitōkeji pa bino bipangujo.” Tanga 2 Temote 3:16.

Réveillez-vous ! Kweji 7

“Dyalelo, maluo mavule mene adi pa katele-bulenda. Le ulanga balume ne bakaji bakokeja kumwena mu ano madingi atamba kudi Leza? [Tanga Efisesa 4:32. Kupwa muleke alondolole.] Ino nimelo ya Réveillez-vous ! idi na misoñanya ya mu Bible ya kamweno tamba kalā itukwasha twikale na busongi bwa nsangaji.”