Kuvuluka bya Kuteakanya pa Kivulukilo

Bakulumpe bafwaninwe kuta mutyima ku myanda ilonda’ko ino pobateakanya Kivulukilo:

◼ Tai mutyima kutyina amba byelekejo byakapityijibwa dyuba kedyaponene.

◼ Teakanyai mukate ne vinyu biyampe shē, kadi kumeso kwa kitatyi.​—Tala Kiteba kya Mulami kya 1 Kweji 3, 2003, paje 10-11.

◼ Masani, bilaudi, meza mayampe ne kisandi kya kupūta’po bifwaninwe kuselelwa ku njibo kukapwidilwa ne kwibyala kumeso kwa kitatyi.

◼ Mufwaninwe kukundula senene Njibo ya Bulopwe nansha kifuko kikwabo kyomukapwidila’ko kumeso kwa kitatyi.

◼ Banabetu batundaiji ne boba bakapityija byelekejo bafwaninwe kutongwa, ne kufundijibwa kumeso kwa kitatyi mingilo yabo ne ndudi ya mwa kwiingidila biyampe, ne kwibalombola kuvwala ne kwidyangula bya bulēme senene.

◼ Mufwaninwe kukwata mpangiko ya kukapityija byelekejo kudi mushingwe māni ye-yense ukolejibwe, ukomenwe kufika ku kupwila.

◼ Shi kudi bipwilo bivule bingidijanga Njibo ya Bulopwe imo, i biyampe bikale kumvwañana kutyina amba kwakekala kwityinya mu pitapita, pa ntwelelo, mu bimama mupita bonso ne pa nshīko.

◼ Shi mukapwidila pa kifuko kikwabo, tai mutyima wa kwikala na binanda bibaija mawi mwanda wa bantu bonso bemvwane muneni.