Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 1 Kweji 12

“Lelo kodi mumone amba bantu badi na milangwe mishileshile pa mwanda utala butōki ne bukundwe? [Muleke alondolole.] Imvwana bidi bubinga bumo bwikadile butōki bu bwa mvubu. [Tanga 1 Petelo 1:16.] Kino Kiteba kya Mulami kileta madingi amo a mwa kwikadila na bukundwe.” Wisambile pa kishinte kidi pa paje wa 9.

Réveillez-vous ! Kweji 12

“Bantu bavule bavulukanga Yesu mu kino kitatyi kya mwaka. Ino mungya uno vese, ulanga’mba uno o muswelo muyampe wa kumuvuluka? [Tanga Yoano 14:15. Ebiya muleke alondolole.] Difuku dyābutwilwe Yesu kediyukenepo, ne kadi padi ukatulumuka pa kuyuka kine kyatongelwe mafuku 25 Kweji 12 bu difuku dya Noele.” Wisambile pa kishinte kidi pa paje 10.

Kiteba kya Mulami 1 Kweji 2

“Bantu ntanda yonso bamonanga Madia inandya Yesu mu miswelo mishileshile. Nobe umumwene namani? [Muleke alondolole.] Bible ulombola mwingilo wa pa bula wingile Madia mu mānga. [Tanga Luka 1:30-32.] Kino Kiteba kya Mulami kitulombola ñeni yotukokeja kuboila kwadi.”

Réveillez-vous ! Kweji 1

“Majiba ne minonga mivule ya pano pa ntanda yendanga yuma, kadi bantu bavule kebakidipo na mema mayampe a kutoma. Molangila muntu ubwanya kupwija lonso ano makambakano? [Muleke alondolole. Ebiya tanga Yelemia 10:23.] Uno Réveillez-vous ! wisambila muswelo ukapwa ano makambakano mungya Bible.”