Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 1 Kweji 6

“Bavule balañanga amba bipwilo bya ino ntanda i mashinda meshileshile atwala bantu kwa Leza. Le nobe ulanga’po namani? [Muleke alondolole.] Tala munenena’po Bible. [Tanga Yoshua 24:15.] Kino kishinte kileta bubinga bwitutonona tubandaule shi kipwilo kyetu kiketutwala kudi Leza wa bine.” Wisambile kishinte kidi pa paje 12.

Réveillez-vous ! Kweji 6

“Batwe bonso tuyukile bantu kampanda ke bapwe kufwa. Le molangila tufwaninwe kutyina amba padi bakwabo i betukalele ne bakokeja kwitulonda kizwa? [Muleke alondolole. Kupwa tanga Musapudi 9:5, 6.] Kino kishinte kibwanya kukukwasha.” Mulombole kishinte kidi pa paje 22.

Kiteba kya Mulami 1 Kweji 7

“Bantu bavule banenanga amba Bible i mukomo kwivwana. Le nobe umona uno muswelo? [Muleke alondolole.] Mungya kino kisonekwa, Mwine wālembeje Bible usakanga twivwane Kinenwa kyandi ne kumwena’mo [Tanga Mitōto 119:130.] Dino dipepala dileta milangwe ikakukwasha wivwanije Bible.”

Réveillez-vous ! Kweji 7

“Dyalelo bavule babelanga luba lwa njia. Le ulanga Leza utele mutyima boba bapepwa mutyima? [Muleke alondolole. Kupwa tanga Mitōto 34:18.] Dino dipepala dishintulula muswelo ukokeja boba badi na njia kukwashibwa na Leza, nansha shi basakilwa kundapwa. Kadi dileta madingi a mwa kwibasengela.”