Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 1 Kweji 10

“Dyalelo, bavule kebadipo na lwitabijo mudi Umpangi. Le molangila i mwanda waka? [Muleke alondolole.] Ano mavese aleta bubinga bwine. [Tanga Habakuka 1:2, 3.] Kino kishinte kilondolola bipangujo bivule bikambile kwipangulwa pa bitala Leza bilengejanga bantu babulwe kumwitabija.” Wisambile pa kishinte kidi pa paje 11.

Réveillez-vous ! Kweji 10

“Lelo nobe umwene amba bisaka bidi na makambakano mavule dyalelo? [Muleke alondolole.] Bavule ke balondangapo madingi mayampe adi mu Bible. Tulete’po kimfwa. [Tanga kisonekwa kimo mu bidi mu dipepala.] Ino nimelo ya pa bula ya Réveillez-vous ! Ilombola muswelo misoñanya ya mu Bible oikwasha bisaka bipwije makambakano abyo mavule.”

Kiteba kya Mulami 1 Kweji 11

“Le ulanga byonso byobafundijanga mu bipwilo bitambanga mu Bible? [Muleke alondolole.] Bible witudyumuna kutyina twakongolwa na bintu bya bubela. [Tanga Kolose 2:8.] Kino Kiteba kya Mulami kilombola patōka mfundijo isamba ya bishi keikwatañenepo na Kinenwa kya Leza.”

Réveillez-vous ! Kweji 11

“Bintu pamo bwa telefone ne kompyuta pano ke bingidijibwanga mu būmi bwa difuku ne difuku. Le ulanga kwingidija bino bintu bya busendwe kukūlanga kitatyi’ni kujimijanga’kyo? [Muleke alondolole] Bavule baketabija ino myanda ikankamika na kwingidija kitatyi na n̄eni. [Tanga Efisesa 5:15, 16.] Uno Réveillez-vous ! Ulombola mwa kwingidijija bya busendwe na bujalale mu muswelo mwendele’mo.”