Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 1 Kweji 9

“Kyaba kimo bantu baloñanga bibi mwanda wa bupyasakane bwampikwa kufwaninwa bwa bipwilo. Molangila, i bika bibalengeja bongolwe uno muswelo? [Muleke alondolole.] Tala bikankamika’po Bible. [Tanga 1 Yoano 4:1.] Kino kishinte kishintulula mwanda waka i kya mvubu kudingakanya byotukulupile na byobya binena’po Kinenwa kya Leza.” Wisambile pa kishinte kishilwila pa paje 10.

Réveillez-vous ! Kweji 9

Tanga Mateo 5:39. Kupwa nena’mba: “Molangila Yesu wādi usaka kunena amba tufwaninwe kūba’tu talala kitatyi kyobetulonga bibi? [Muleke alondolole.] Kino kishinte kilombola byobya binena Bible pa mwanda utala kwipandija ne kusaka kukingwa na Leta.” Wisambile pa kishinte kishilwila pa paje 10.

Kiteba kya Mulami 1 Kweji 10

“Kujokoloka ntanda yonso, bantu ba mu bipwilo byonso balombelanga. Le ulanga’mba bine Leza wivwananga milombelo ne kwiilondolola? [Muleke alondolole.] Bible witukankamika tulombele. [Tanga Fidipai 4:6, 7.] Dino dipepala dileta malondololo a mu Bible ku bipangujo bisamba-bibidi bitala milombelo.”

Réveillez-vous ! Kweji 10

“Twivwananga divule amba muntu kampanda abamwalamuka kudi obesongele nandi, kudi bendeji ba politike, ne bakwabokwabo. Le ulanga’mba i bikomo kutana bantu bakulupilwa? [Muleke alondolole.] Bavule bamonanga amba kino kisonekwa kifikidilanga. [Tanga 2 Temote 3:1-5.] Dino dipepala dishintulula i kwepi kukitanwa bantu bakulupilwa.”