Bible—Mānga ya Binebine, Bupolofeto Bukulupilwa

I bukamoni’ka bulombola’mba Bible unenanga mānga ya bine? I bupolofeto’ka le bwa mu Bible bwāfikidile bwitukulupija’mba ne bupolofeto butala mafuku a kumeso bwine bukafikidilanga? Bino bipangujo i bibandaulwe mu video La Bible : un récit historique exact, des prophéties dignes de foi, filime ya busatu mu dishike La Bible : un livre historique et prophétique (Bible—Dibuku dya Mānga ne Bupolofeto). Pa kupwa kutala uno video, le ubwanya kulondolola ku bipangujo bilonda’ko?

(1) Le Nsulo ya myanda yotukulupile idi mu Bible i ani? (Dan. 2:28) (2) Bible ulombwele namani mānga ya binebine itala pa Edipito wa kala, ne bupolofeto bwa Bible budi mu Isaya 19:3, 4 bwāfikidile namani? (3) Bwifundi bwa bintu bya kishiyekulu bubingija muswelo’ka myanda inenwe mu Bible ya mwādi mwikadile bene Ashidia, balopwe babo, ne mfulo ya umbikalo wa Ashidia? (Nah. 3:1, 7, 13) (4) I bupolofeto’ka butala pa Babiloni bwāfikidile binebine? (Yel. 20:4; 50:38; 51:30) (5) I bupolofeto’ka butala Mede-Peleshia bwāfikidile? (Is. 44:28) (6) Lelo Danyele 7:6 ne 8:5, 8 wāfikidile muswelo’ka pa Ngidiki? (7) Lelo Danyele 7:7 wāfikidile namani pādi Loma bu umbikalo wa ntanda yonso? (8) Le i ba Kesala’ka batelelwe mu Bible? (9) I bika byātene Bene Kidishitu mu umbikalo wa Nero? (10) Lelo bupolofeto budi mu Kusokwelwa 13:11 ne 17:10 bwāfikidile muswelo’ka? (11) Lelo mulopwe wa mwanda i ani? (12) I bintu’ka bidi mu uno video bilombola’mba Musapudi 8:9 i munene bya bine? (13) I bupolofeto’ka butala mafuku a kumeso botengele na kipyupyu kumona pobufikidila? (14) Le ubwanya kwingidija namani uno video mwanda wa kunekenya bakwenu nabo bakulupile amba Bible i mutambe kudi Leza?