Lelo Amwekanga Namani?

Kino i kipangujo kiyampe kwiipangula pa mabuku o-onso otuteakenye kupāna. Kintu kyo-kyonso kikonyangale, kisasamuke, nansha kimweka bu ke kyoneke kikokeja kumwekeja bibi bulongolodi bwetu ne kulabika mwine njibo ku musapu mulumbuluke upāna būmi utanwa mu mabuku.

I muswelo’ka otukokeja kulama senene mabuku etu? Bantu bavule bamonanga bu bidi na mvubu mpata kulongolola sakoshi wabo wa busapudi na kutula pamo mabuku a muswelo umo. Kimfwa, badi na kyaba kya kutula mabuku, kikwabo kya kutula mapepala ne maboloshile, kikwabo nakyo kya kutula’mo ma trakte ne bikwabo kwabo. Kitatyi kyonso kyobajokeja ma Bible ne mabuku abo mu sakoshi wa busapudi, bajokejanga’o biyampe kutyina a koneka. Basapudi bamo babikanga mabuku abo mu ma amvelope nansha mu mafalade a palashitike atōka. Nansha shi twingidije manwa’ka, ketusakangapo kupa muntu kampanda bubinga bwa kuboya kabi mu mwingilo wetu na kumupa mabuku moneke.—2 Kod. 6:3.