Wibakwashe “Bemanije mu Lwitabijo”

I kya nsangaji’po kashā pa kumona muswelo wesela Yehova mwingilo wa kukongakanya bantu, mwaka ne mwaka bantu 250 000 ne musubu babatyijibwanga. (Kup. 28:2) Musapudi kitatyi kyakwasha mwifundi mwanda wa abatyijibwe, kyaba kikwabo musapudi wikalanga na kinkosela kya kwendeleja kifundwa mwanda wa kukimba kukwasha bantu bakwabo. Kadi mwifundi nandi ukimbanga kwimika kwifunda mwanda wa kupityija kitatyi kivule mu busapudi. Inoko, i biyampe befundi ba Bible bekale na kyalwilo kiyampe mu bubinebine. Bafwaninwe kwikala “bāle miji” mudi Kidishitu ne “bemanije mu lwitabijo.” (Kol. 2:6, 7; 2 Tm. 3:12) Nanshi, shi mwifundi wabatyijibwa, ufwaninwe kwendeleja kifundwa kyandi kya Bible enka ne byakavuya dibuku Bifundija Bible ne “Buswe bwa Leza”.​—Tala Mwingilo Wetu wa Bulopwe wa Kweji 4, 2011, paje 2.