Tushintululei Nkulupilo Yetu Itala pa 1914
Bisonekwa bitukankamika twikale ‘beteakanye kwishintulwila’ nkulupilo yetu, kadi ‘kulonga namino na butūkanye ne bulēme bukatampe.’ (1 Pe. 3:15) Na bubine kulonga namino, tubwanya kwikumona bu kukomo pa kushintulula bubinebine bwa mushike bwa mu Bible, pamo bwa kushintulula muswelo otuyukile amba Bulopwe bwashilwile kuludika mu 1914. Pa kusaka kwitukwasha, i kuteakanibwe kishinte kya bipindi bibidi kinena’mba, “Mīsambo na Mulondakani—Le Bulopwe bwa Leza Bwashilwile Kuludika Kitatyi’ka?” Bino bishinte bitanwa mu manimelo a Kiteba kya Mulami kyotwabanya mu busapudi mu Kweji 10 ne Kweji 11. Kitatyi kyobandaula bino bishinte, ta mutyima ku bino bipangujo bitala pa byalongele Cameron, musapudi mwine wisambilwa’po.
I muswelo’ka . . .
wawaingidije kufwija’ko pa kusaka kusokola mwanda obetabije abo bonso? —Bil. 17:22.
waalombwele kwityepeja kitatyi kyaadi ushintulula nkulupilo yandi? —Bil. 14:15.
Mwanda waka kyadi kiyampe kwadi . . .
ekale upituluka na dimodimo mu myanda yobesambile’po kala kumeso kwa kubweja’ko myanda mikwabo?
ekale wimana kitatyi ne kitatyi ne kwipangula shi mwine njibo wivwanije senene byaamushintulwila?
aleke kukimba kufundija bintu bingi mwa kimo?—Yoa. 16:12.
Bine, tufwija’ko Yehova, wetu ‘Mufundiji Mukatampe,’ pa kwitufundija tumone mwa kushintulwila bubinebine bwa mushike bwa mu Bible ku boba badi nabo melu!—Isa. 30:20.