Pāna “Bintu Biyampe” na Kwikala na Kizaji (Mat. 12:35a)

Ne kutatana kwine mpika, batwe bonso tusakanga kupa bakwetu “bintu biyampe” na kwikala na “kibidiji kya kutundaila beni.” (Loma 12:13) Bakulumpe baletanga kimfwa na kukwata’ko mpangiko ya kutundaila baneni bapempudi ne kwibafutyila dishinda. Inoko, kyaba kimo twikakanga kulombola kizaji mwanda wa kubulwa muswelo, pakwabo tubwanya’tu kwiivwana bibi pa kutundaila beni bāya kwetu. Tukanekenya ino milangwe shi tulame binenwa bya Yesu kudi mata. (Luka 10:39-42) Wālombwele amba “kintu kiyampe” kidi mu kutundaila beni i bu bana na bana ne kwikankamika, ke byakudyapo mulwi nansha njibo ya katutu. Shi tulonde ano madingi, tubwanya kupa banabetu “bintu biyampe” mungya munenena Kinenwa kya Leza.—3 Yoa. 5-8.