Yoba Wālamine Bululame mu Matompo

Yoba wādi ushikete mu Ulu mu kitatyi kyādi bene Isalela bu bapika mu Edipito. Nansha byakādipo mwine Isalela, Yoba wādi mutōtyi wa kikōkeji wa Yehova. Wādi na kisaka kikatampe, bupeta buvule, kadi wādi mutumbe mu kibundi kyabo. Wādi mudingidi mukatampe kadi mutyibi wampikwa mboloji. Wādi na buntu ku balanda ne ku bafudilwe. Yoba wādi muntu mululame.

Yoba wālombwele patōka amba Yehova ye Muntu wa mvubu mpata mu būmi bwandi

1:8-11, 22; 2:2-5

• Satana wāmwene bululame bwa Yoba. Kātatenepo amba Yoba wādi ukōkele Yehova; ino wātatene kukanina kwa mutyima kwa Yoba

• Satana wālangile amba Yoba wingidilanga Yehova mwanda wa kamweno kampanda

• Pa kusaka kulondolola ku bubela bwa Satana, Yehova wālekele Satana atompe uno muntu wa kikōkeji. Satana wāsadile Yoba mu miswelo yonso ya būmi bwandi

• Byālamine Yoba bululame bwandi, Satana wātatene bululame bwa bantu bonso

• Yoba kājilwilepo nansha kulambika Leza bintu byonso bibi