Watchtower KIBĪKO PA ENTELENETE

KIBĪKO PA ENTELENETE

mwb16 Kweji 4 p. 3
Kankamika ne Kukomeja Bakwabo na Binenwa Bilumbuluke

Kabuku ka ku Kupwila—Būmi ne Mwingilo Wetu wa Bwine Kidishitu—2016

mwb16 Kweji 4 p. 3

BYABULĒME BYA MU KINENWA KYA LEZA | YOBA 16-20

Kankamika ne Kukomeja Bakwabo na Binenwa Bilumbuluke

Binenwa bya mudingidi bifwaninwe kukomeja bakwabo

Yoba wādi mutyumukwe mutyima kadi na njia,o mwanda wādi usakilwa bukwashi ne kukankamikwa na bakwabo
Balunda na Yoba basatu kebānenenepo kintu nansha kimo kya kumusenga. Ino, bāmutopekele’tu ne kumubwejeja’ko njia

Binenwa bibi bya Biledade byādidije Yoba mu byamalwa

Yoba wādidīle Leza amukwashe apēlelwe’ko mu muswelo kampanda—nansha shi bilomba afwe
Yoba wātele mutyima ku lukulupilo lwandi lwa lusangukilo kadi wāuminine nyeke na kikōkeji

BANTU BĀDI BATOPEKA YOBA

Edifaza:

Padi i mwine Temani mu ntanda ya Edoma. Kibundi kya Temani i kitelwe mu Yelemia 49:7 bu kitako kya tunangu twa bene Edoma
Edifaza byaādi umwekele bu mutame bininge kadi mutādile “basengi” bakwabo bininge, ye aye wādi ubadikila kwisamba. Wānenene mashikulu asatu, kadi wādi unena bilampe kupita babidi bakwabo

Matope a bubela:

Wāfutulwile bululame bwa Yoba ne kufwatakanya’mba Leza kākulupilepo bengidi bandi (Yoba 4, 5)
Wātelele Yoba bu muntu wa mitatulo kadi mubi ne kufwatakenya Yoba amba kakaminwepo Leza (Yoba 15)
Wātopekele Yoba amba udi na lwiso kadi ke molokepo, kupwa wānena’mba muntu kadipo na kamweno ku meso a Leza (Yoba 22)

Biledade:

Wa ku lutundu lwa Shuda. Bimweka bu wādi ushikata ku Munonga wa Ufalete
Wādi muntu wa bubidi kwisamba. Mashikulu andi asatu adi mēpi ao’ko asansa kupita a Edifaza

Matope a bubela:

Wālangile amba bana ba Yoba i balonge bubi o mwanda bāponenwe na kinzengele kadi wālangidije’mba Yoba kādipo na bwine Leza (Yoba 8)
Wālangile amba Yoba wādi nonga-bibi (Yoba 18)
Wāfwatakenye amba bululame bwa muntu kebudipo na mvubu (Yoba 25)

Zofala:

Mwine Nama, padi i wa kungala ne kushika kwa Alabia
Wādi muntu wa busatu kwisamba kadi ye mwine wādi utopeka bisansa mpata. Wānenene mashikulu abidi kete

Matope a bubela:

Wātopekele Yoba amba unenanga bya bitupu kadi wāmulombwele aleke bilongwa byandi bibi (Yoba 11)
Wālangile amba Yoba wādi mubi kadi usangedile bubi (Yoba 20)