Le Wingidijanga JW Library?

JW Library i mpangiko ya ku bitupu (mpangiko ya olodinatele) i kakukwasha utentule Bible ne mabuku makwabo, mavideo, mpangiko ya mawi makwate mu yobe telefone, tabulete, nansha olodinatele.

MWA KWIISOKWELA: Enda pa Entelenete, kupwa tweja JW Library idi mu kibīko kya mpangiko (Play Store). Ino mpangiko idi mu bingidilwa palapala. Shi ubatwela pa Entelenete, fungula mpangiko, kupwa tonga bintu byosaka kutentwila mu kingidilwa kyobe. Shi kubwanyapo kutwela pa Entelenete kobe, padi ubwanya kulongela’byo ku Njibo ya Bulopwe, mu kibīko kya mabuku kya bantu bonso, ku cybercafé, nansha kubwipi na kutomenwanga kafé. Shi ubapu kutentwila mabuku mu kingidilwa kyobe, kukisakilwapo kutwela monka pa Entelenete pa kusaka kwikifungula. Ino mu JW Library byomubwejibwa bintu bipya kyaba ne kyaba, bikakulomba kutwela pa Entelenete kitatyi ne kitatyi ne kutweja bintu bipya shi bidi’po.

KWIITWEJA MWANDA WAKA? JW Library ikwashanga bininge pa kulonga kifundwa kya pa kasuku ne kulondela’po ku kupwila kwa pa kipwilo. Kadi ikwashanga bininge mu busapudi nakampata pa kusapula bya kiponka na ponka.