Yesu Wādi Usenswe Bantu

Mateo shapita 8 ne 9 wisambila pa kipindi kya mwingilo wa Yesu mu ntanda ya Ngadilea. Yesu pawābelwile bantu, wālombwele bukomo bwandi, ino nakampata wālombwele buswe bwandi bukatampe ne lusa lwandi ku bakwabo.

1. 

   Yesu wābelwile wa makopo.​—Mat 8:1-3

2. Yesu wābelwile mwingidi wa mudyavita.​—Mat 8:5-13

   Wābelwile inandi muko wa Petelo.​—Mat 8:14, 15

   Wāpangile bandemona ne kundapa bantu bādi basusuka.​—Mat 8:16, 17

3. Yesu wāpangile bandemona bakalabale bya malwa, wēbatuma mu luombe lwa bangulube.​—Mat 8:28-32

4. Yesu wābelwile wa bulebe.​—Mat 9:1-8

   Wābelwile mwana-mukaji wātengele ku kivwalwa kyandi, ne kusangula mwanā Yelusa mwana-mukaji.​—Mat 9:18-26

   Wābelwile mpofu ne kamāma.​—Mat 9:27-34

5. Yesu wādi wenda upita mu bibundi bikata ne bityetye, ubelula misongo ya miswelo yonso ne bulema bwa miswelo yonso.​—Mat 9:35, 36

I muswelo’ka onkokeja kulombola buswe ne lusa ku bakwetu?