Nansha Pashika byokeyādipo yelekeja Kivulukilo, ino bintu bimo bya pa Pashika bidi na mvubu kotudi. Kimfwa, mutumibwa Polo wāityile Yesu bu “Pashika yetu.” (1Ko 5:7) Nansha’mba (kana ka mukōko ka Pashika). Mashi a kana ka mukōko mashinge ku ñunji ākūdile būmi bwa bantu, mo monka ne mashi a Yesu nao akūlanga būmi bwa bantu. (Div 12:12, 13) Kadi, kana ka mukōko ka Pashika kekādipo katyumunwa mukupa nansha umo. Mo monka ne Yesu nandi kātyumwinwepo mukupa nansha umo, nansha byobyādi bilongwa pa kwipaya muntu.—Div 12:46; Yoa 19:31-33, 36.