Kwikala Mulondi Wami​—Kulomba Bika ne Bika?

9:62

Pa kusaka’mba kidimye olole milongo ya matumba, kafwaninwepo kulabikwa na bintu bidi kunyuma kwandi. Mo monka ne mwine Kidishitu nandi kabwanyapo kwitabija kulabikwa na bintu byashile mu ino ntanda.​—Fid 3:13.

Shi twikonda na makambakano, tubwanya bukidi bonka kulanga ‘būmi buyampe botwadi nabo mu mafuku a kunyuma,’ padi i potwadi ketwayukile bubine. Potuvulukanga buno būmi, divule tutyityijanga biningi nsangaji yotwadi nayo, ino twapēlula makambakano etutene. Mo mwālongele ne bene Isalela pa kupwa kutamba mu Edipito. (Umb 11:5, 6) Shi tutādilwe na ino milangwe, nabya tubwanya bukidi bonka kujokela ku mwiendelejo wetu wa kala. Twabulwa’po kulangulukila pa madyese otudi nao dyalelo ne kubambila meso pa madyese a mu mafuku a kumeso mu buludiki bwa Bulopwe!​—2Ko 4:16-18.