Buswe Buyukanyanga Bene Kidishitu ba Bine​—Sangalai Pamo na Bubine

KYOKWIKADILE NA MVUBU: Na kwiula kimfwa kya Yesu, tufwaninwe kusapula bubine butala pa mpango ya Leza. (Yoa 18:37) Kadi tufwaninwe kusangala pamo na bubine, kwisamba bubine, ne kulangulukila pa bintu byonso bya bine nansha byotushikete mu ino ntanda iyudile bubela ne bukondame.​—1Ko 13:6; Fid 4:8.

MWA KWIKULONGELA:

• Sumininwa kuleka kuteja nansha kuzambalaja myanda ya lubabo isansa mutyima.​—1Ts 4:11

• Kokisangala shi mukwenu watanwa na kyamalwa

• Sangela mu bintu biyampe, kadi bikankamika

TADIJA VIDEO “MWISANSWE BANWE BENE NA BENE”​—KEMWAKISANGELAI BUKONDAME, SANGALAI PAMO NA BUBINE, KUPWA LONDOLOLAI BINO BIPANGUJO:

• Le Debora ‘wasangedile bukondame’ mu buluji’ka?

• Le Alisi wasendulwile namani mīsambo yabo na Debora ke miyampe?

• Le i bintu’ka bimo biyampe byotubwanya kwisambila’po?