“Kyabuntu mu Dikasa kya Kupa Yehova”

Le i muswelo’ka otukokeja kwiya “dyalelo’di na kyabuntu mu dikasa kya kupa Yehova”? (1Bi 29:5, 9, 14) Kunshi’ku kudi miswelo palapala yotukokeja kutonga’po ya mwa kutūdila byabuntu bya kwilanga pa kukwatakanya mwingilo wa Batumoni ba Yehova wingilwa kwenu ne wa ntanda yonso.

BYABUNTU BITŪLWA PA ENTELENETE NANSHA BYELWA MU TUMASANDUKU PA KUKWATAKANYA:

• 

  MWINGILO WA NTANDA YONSO

  kūbaka ne kulongolola mobo a musambo ne mabilo a bwalamuni adi kulampe

  masomo a kiteokratike

  bengidi ba kitatyi kyonso ba pa bula

  bukwashi mu bimpengele

  kutampa mabuku, kulupula mavideo, ne bintu bilupulwa pa Entelenete

• 

  MADEPANSE A PA KIPWILO

  kudi madepanse a pa kipwilo alongwa pa kuvuija bisakibwa bimo ne kulongolola byonekele ku Njibo ya Bulopwe

  nkwembo iloñwanga na kipwilo ya kutuma lupeto ku bilo ya musambo mwanda wa:

  • Kūbaka Mobo a Bulopwe ne Mobo a Bitango ntanda yonso

  • Mpangiko ya Bukwashi ya Ntanda Yonso

  • mingilo mikwabo ingilwa ntanda yonso

BITANGO

Byabuntu bitūlwanga ku kitango kyenu kya ntanda byendanga ku mwingilo wa ntanda yonso. Ino, madepanse aloñwanga ku kitango kya ntanda, kya pa bula ne ku bitango bya matanda alupulwanga ku lupeto lwa mwingilo wa ntanda yonso.

Byabuntu bitūlwa mu kipindi bingidijibwanga pa kufutyila, kuteakanya ne kulongolola bifuko palongelwa bitango ne madepanse a myanda mikwabo ya mu kipindi. Kipindi kibwanya kukwata butyibi bwa kutūla lupeto lwabo lwa musubu ku mwingilo wa ntanda yonso wa Batumoni ba Yehova.