Londalonda Bufundiji bwa Leza

KYOBWIKADILE NA MVUBU: Yehova, Mufundiji Mukatakata witufundijanga bufundiji bwa kamweno. Witufundijanga ku bitupu mwa kulumbulwila būmi bwetu ne mwa kwiteakenya ku būmi bwa kumeso bulumbuluke. (Isa 11:6-9; 30:20, 21; Kus 22:17) Na buno bufundiji bwa Leza, Yehova witupanga byotusakilwa pa kusapwila bakwetu uno musapu upandija būmi.​—2Ko 3:5.

MWA KWIBULONDELALONDELA:

• Tamija kwityepeja ne butūkanye.​—Ñi 25:8, 9

• Itabija bufundiji bofundijibwa tamba pano, kimfwa bipindi bya bana ba masomo bya ku kupwila kwa mu bukata bwa yenga

• Witungile bitungo bya ku mushipiditu.​—Fid 3:13

• Wipāne bininge ubwanye bisakibwa bya kukafundila’ko bufundiji bukwabo.​—Fid 3:8

TALAI VIDEO BAPETE KU MUSHIPIDITU NA BUFUNDIJI BWA YEHOVA, KUPWA LONDOLOLAI KU BINO BIPANGUJO:

• Le i bijika’ka byanekenye basapudi bamo pa kukafunda Masomo a Basapudi ba Bulopwe?

• Le Masomo a Basapudi ba Bulopwe aletanga bufundiji’ka?

• Le boba bapwile ano masomo bakwashibwe namani na banabetu ba mu bipwilo bya mu myaba yabo mipya?

• Le i bisakibwa’ka bilombwa pa kukafunda Masomo a Basapudi ba Bulopwe? (kr p. 189)

• Le i bufundiji’ka bukwabo bobwanya kulondalonda mu bulongolodi bwa Yehova?