Ntanda “Yamina Munonga”

Mu bitatyi palapala bya mu mānga, bakatampe ba lupusa bakweshe bantu ba Yehova. (Eza 6:1-12; Ese 8:10-13) Enka ne mu ano etu mafuku, tumonanga “ntanda” ko kunena’mba, bantu ba mu ino ngikadilo ba mutyima unekena​—bamina “munonga” wa kupangwapangwa kuletwa na “mpumina,” ko kunena’mba Satana Dyabola. (Kus 12:16) Yehova, “Leza upandija,” ubwanya kyaba kimo kutonona baludiki ba bantu bakūle bantu bandi.​—Ñi 68:20; Nki 21:1.

Le ukalonga bika shi wi mukutwe pa mwanda wa lwitabijo lobe? Kulupila’mba Yehova ukutele mutyima. (Ngo 39:21-23; Ñi 105:17-20) Kadi yuka’mba ukapalwa mpalo pa lwitabijo lobe ne kadi bululame bobe bukankamikanga banabetu ba ntanda yonso.​—Fid 1:12-14; Kus 2:10.

TALAI VIDEO BANABETU BA MU KOREA ABAKUTULULWA MU BULOKO, KUPWA LONDOLOLAI BINO BIPANGUJO:

• Mwanda waka banabetu tununu ne tununu ba mu Korea wa Kunshi bakutyilwe mu bula bwa myaka?

• Le i butyibi’ka bwalengeje bakutulule’ko bidi banabetu bamo?

• I muswelo’ka otukokeja kukwasha banabetu ba ntanda yonso bakutyilwe panopano mwanda wa lwitabijo lwabo?

• Le i muswelo’ka otufwaninwe kwingidija bwanapabo botudi nabo pano?

• Le i ani mwine ulengejanga tunekenye bisambo?