“Ntanda Yonso Yādi Ikidi na Ludimi Lumo”

11:1-4, 6-9

Pa Babele, Yehova wāpalakeninye koku ne koku bantu bampikwa kikōkeji na kuvutakanya ludimi lwabo. Dyalelo ukongakanyanga kibumbo kikatampe kya bantu ba mizo yonso ne ndimi ne kwibapa “ludimi lutōka” amba “bete dijina dya Yehova, mwanda wa bamwingidile kipuji na kipuji.” (Zef 3:9; Kus 7:9) Luno “ludimi lutōka” i bubine butanwa mu Bisonekwa butala padi Yehova ne pa mpango yandi.

Kwifunda ludimi lweni kulombanga kulonga bivule kupita’ko’tu kukwatyila bishima. Kulombanga ne kwifunda muswelo mupya wa kulanga. Muswelo umo onka, potwifunda ludimi lutōka lwa bubine, ñeni yetu ishintanga. (Lo 12:2) Kino i kintu kya kulonga nyeke kadi ye akyo kikwasha bantu ba Leza bekale mu bumo.​—1Ko 1:10.