BYABULĒME BYA MU KINENWA KYA LEZA | BENE LEVI 4-5
Pá Yehova Kyokya Kitabukile Kunengela
Bulanda kebwādipo bubudija mwine Isalela dyese dya kwikala mu ndoe na Yehova. Nansha ke mwine Isalela mulanda watyō wādi ubwanya kupa Yehova kyabuntu kitabijibwe, shi ye kintu kyandi kitabukile kunengela. Wādi ubwanya kulambula bukula, ino Yehova wādi usaka bukula’bwa bwikale “bupēla,” bukula bwādi butēkelwa beni. (Ngo 18:6) Dyalelo nadyo, Yehova witabijanga ‘kitapwa kyetu kya mitendelo’ kitabukile kunengela nansha shi ngikadilo yotudi’mo keitulengejapo tupāne bintu byotwadi tubwanya kupāna.—Bah 13:15.
Le kino kibwanya kukukankamika namani shi kukibwanyapo kulonga byonso byowadi ulonga pa kala, padi i pa mwanda wa misongo nansha kutyepa kwa bukomo?