BŪMI BWA BENE KIDISHITU
Bulemununi—Kilomboji kya Buswe bwa Yehova
Kishima bulemununi i kimo na musoñanya ne bufundiji, inoko akyo kidi ne na mulangwe wa kōlola ne kuleta mfuto. Yehova witulemununanga mwanda wa tumutōte mwasakila. (Lo 12:1; Bah 12:10, 11) Kyaba kimo bulemununi busansanga, inoko bololanga ne kuleta madyese. (Nki 10:7) Le boba balemununa bakwabo ne boba bobalemununa i bika byobafwaninwe kulama mu ñeni abo bonso?
Yewa ulemununañana. Bakulumpe, bambutwile, ne bantu bakwabo baloñanga bukomo bwa kulemununañana na kanye ne na buswe na mwibilongelanga Yehova. (Yel 46:28) Nansha ke bulemununi busumininwe namani bufwaninwe kukwatañana na bisakibwa bya muntu kadi buletwa na buswe.—Tet 1:13.
Yewa obalemununa. Nansha shi bulemununi bubaletwa namani, ketufwaninwepo kwibupela, ino tufwaninwe kwibulonda pampikwa kwija. (Nki 3:11, 12) Batwe bonso byotudi bampikwa kubwaninina tusakilwa bulemununi, bwine botutambulanga mu miswelo mishileshile. Kimfwa, byotutanga mu Bible ne byotwivwana ku kupwila bitulemununanga. Kadi kyaba kimo bamo balemununwanga mu komité wa butyibi. Kulonda buno bulemununi pampikwa kulejaleja kwitupandijanga.—Nki 10:17.
TALAI VIDEO “BOBA BOBASENSWE KUDI YEHOVA, WIBALEMUNUNANGA,” KUPWA LONDOLOLAI BINO BIPANGUJO:
Le būmi bwa Canon bwadi namani pa bwanuke, ne bwashintyile namani mwenda mafuku?
Le Yehova wamulemunwine namani na buswe?
Wifunde kusanswa bulemununi butamba kudi Yehova
Le myanda yemwenine Canon itufundija bika?