BŪMI BWA BENE KIDISHITU

Kwata Butyibi Buyampe mu Mwanda Utala Kutoma Mālwa

Kipindi kya mu video ‘Kumeso kwa Kutoma, Langulukila pa Bikalupuka’ko.’ Nyoka wa meno pantanda utamba mu kitomeno kya mālwa kikwete mwana-mulume umo.

Bene Kidishitu bonso bafwaninwe kwīfula mu mwanda utala kutoma mālwa. (Nki 23:20, 29-35; 1Ko 6:9, 10) Shi mwine Kidishitu watonge kutoma mālwa, ufwaninwe kutoma’o pa ntomeno. Kadi ufwaninwe kwepuka kumunwa na nsoswe ne kukukaja bakwabo. (1Ko 10:23, 24; 1Tm 5:23) Na bubine batwe bonso, ino nakampata bankasampe, ketufwaninwe kutoma mālwa mwanda’po’tu abetuningila kutoma’o.

TALAI VIDEO YA BIFWATULO BIJINA KUMESO KWA KUTOMA, LANGULUKILA PA BIKALUPUKA’KO, KUPWA LONDOLOLAI BINO BIPANGUJO:

Mwanda waka bene Kidishitu bonso bafwaninwe kulonda bijila bya Leta bitala kutoma mālwa?—Lo 13:1-4
Mwanda waka ketufwaninwepo kuleka muntu nansha umo etuningile tutome mālwa?—Lo 6:16
Le i muswelo’ka otubwanya kwepuka bipa bilula bilupukanga ku mālwa?