Kwasha Befundi ba Bible Banekenye Bibidiji Bibi

Enka boba batōka mu mwikadilo bobabwanya kusamba kipwano na Yehova. (1Pe 1:14-16) Befundi ba Bible babwanya kushinta nansha shi badi ke bebidile bininge kulonga bintu bibi, kino kikebalengeja bekale na nsangaji mu kisaka, bukomo bwa ngitu buyampe, kadi bakayuka mwa kulamina lupeto biyampe.

Wibashintulwile patōka misoñanya ya Yehova ya mwa kwikadila, ne bubinga bwine bwaeiletela, kadi wibashintulwile byobakamwena’mo shi abeilonda. Tá mutyima ku kukwasha bomwifundanga nabo Bible bashinte bidi muswelo obamona bintu, nabya bakapēlelwa kushinta bilongwa byabo. (Ef 4:22-24) Wibakulupije amba Yehova usa kwibakwasha banekenye bibidiji bibi. (Fid 4:13) Wibafundije banze kulomba Yehova kitatyi kyobebaningila kulonga bubi. Wibakwashe befunde mwa kuyukila matompo kumeso kwa kitatyi ne mwa kwiepukila. Wibakankamike bapingakanye mwiendelejo mubi na mwiendelejo muyampe. Shi botwifundanga nabo Bible bashinta mwiendelejo wabo na bukwashi bwa Yehova, kino kituletelanga nsangaji.

TALAI VIDEO KWASHA BEFUNDI BA BIBLE BANEKENYE BIBIDIJI BIBI, KUPWA LONDOLOLAI BINO BIPANGUJO:

• 

  Le bakulumpe ne Meta balombwele namani amba bakulupile Jolie?

• 

  Le i bika byalongele Meta pa kukwasha Jolie ashinte?

• 

  Le i bika byalongele Jolie pa kusaka’mba Yehova amukwashe ashinte?