Ingidija Paje Umbajinji wa JW.ORG mu Busapudi

Paje umbajinji wa site yetu udi na bishinte ne mavideo bine bisangaja bantu ba mityima miyampe. (Bil 13:48) Divule dine patūlwanga myanda mipya, myanda ilangulukila’po bantu nansha myanda īsambilwa’po na bantu.

Le ukengidija namani paje umbajinji wa jw.org podi mu busapudi?

• Twela pa site kyaba ne kyaba. Bandaula bintu byatūlwa’po panopano ne kumona muswelo obwanya kwingidija’byo mwanda wa kukwasha muntu usangedile. (Pa kutana myanda mikwabo itūdilwe panopano pa paje umbajinji, finya pa “Tala Bikwabo.”) Kuyuka myanda mipya itūlwa pa site, kukakukwasha uyuke i myanda’ka ya kwingidija podi mu busapudi.

• Shilula mīsambo na kwingidija bishinte ne mavideo bitūlwa pa paje umbajinji. Bino bintu bibwanya kwitukwasha tuyuke i bika bilangulukila’po bantu mu mwaba.

• Lombola muntu paje umbajinji. Wisambile na muntu pa myanda imoimo ne kumulombola mwa kutwelela pa site.

• Mutumine kashinda ka kutwela’po. Bantu bamo bapelanga kwisamba netu mpala na mpala, ino basangela’ko kutwela pa site yetu. Nanshi kokekaka kutumina muntu wasangedile kashinda kamutwala pa paje umbajinji, nansha kamutwala pa kishinte nansha video itanwa’po.