Watchtower KIBĪKO PA ENTELENETE
Watchtower
KIBĪKO PA ENTELENETE
Kiluba
Ā
  • Ā
  • ā
  • Ē
  • ē
  • Ī
  • ī
  • Ō
  • ō
  • Ū
  • ū
  • Á
  • á
  • É
  • é
  • Ó
  • ó
  • Ñ
  • ñ
  • BIBLE
  • BILUPWILWE
  • KUPWILA
  • w20 Kweji 5 p. 8-11
  • Balopwe Belwa mu Kitatyi kya ku Mfulo

Pano i patupu video

Yō, bibakoma kupūtula video.

  • Balopwe Belwa mu Kitatyi kya ku Mfulo
  • Kiteba kya Mulami Kisapula Bulopwe bwa Yehova (Kya Kwifunda)—2020
  • Myanda Iifwene Nayo
  • “Mulopwe wa Kungala” mu Kitatyi kya ku Mfulo
    Kiteba kya Mulami Kisapula Bulopwe bwa Yehova (Kya Kwifunda)—2020
  • Yehova Usokolanga Byobya “Bisakwiyako”
    Kiteba kya Mulami Kisapula Bulopwe bwa Yehova—2012
  • Le “Mulopwe wa Kungala” Dyalelo I Ani?
    Kiteba kya Mulami Kisapula Bulopwe bwa Yehova (Kya Kwifunda)—2020
  • Le Mukanda wa Kusokwelwa Unena Bika Bisa Kufikila Balwana na Leza?
    Kiteba kya Mulami Kisapula Bulopwe bwa Yehova (Kya Kwifunda)—2022
Tala Bikwabo
Kiteba kya Mulami Kisapula Bulopwe bwa Yehova (Kya Kwifunda)—2020
w20 Kweji 5 p. 8-11

Balopwe Belwa mu Kitatyi kya ku Mfulo

Balopwe Belwa mu Kitatyi kya ku Mfulo Bupolofeto bulembelwe mu ino tabulo bwafikidile mu kitatyi kimo. Bulombola mu miswelo mivule amba tudi mu “kitatyi kya ku mfulo.”—Dan. 12:4.

Tabulo ilombola bupolofeto ne mwaikadile’ko mulopwe wa kungala ne mulopwe wa kunshi tamba mu 1870 kufika ne dyalelo.
  • Tabulo 1 pa 4, ilombola bupolofeto bufikidile mwa kimo mu kitatyi kya ku mfulo kadi tamba dya mu mwaka wa 1870 kutūla mu 1918. Myaka ya tamba 1914 ne kwenda kumeso i myaka ya kitatyi kya ku mfulo. Bupolofeto 1: Kinyema kya ntanda kya mitwe isamba-ibidi kishilwile kumweka pa tabulo. Mu Divita I dya Ntanda, mutwe wa busamba-bubidi wa kinyema watapilwe. Tamba mu 1917 ne kwenda kumeso, mutwe wa busamba-bubidi wabeluka, kupwa kinyema kya ntanda kyakoma. Bupolofeto 2: Mulopwe wa kungala wayukana mu 1871, mulopwe wa kunshi nandi wayukana mu 1870. Alemanye wāyukene bu mulopwe wa kungala mu 1871. Beletanye wāyukene dibajinji bu mulopwe wa kunshi, ino mu 1917 Umbikalo wa Ntanda wa Angeletele-Amarika wamupingakana. Bupolofeto 3: Kushilwila mu myaka ya 1870, Charles Taze Russell ne balunda nandi bāyukene bu ‘mukendi.’ Ku ngalwilo kwa myaka ya 1880, ‘Kiteba kya Mulami kya Ziona’ kyakankamikile batangi basapule myanda miyampe. Bupolofeto 4: Tamba mu 1914 ne kwenda kumeso, mwangulo. Abasansanya biyombo bityani na ñano. Bupolofeto 5: Tamba mu 1917 ne kwenda kumeso, binyantyilo bityange na kyuma ne dilongo. Kadi byelekejibwe na: binkumenkume bya ntanda bya tamba mu 1914 kutūla mu 1918, Divita I dya Ntanda. Binkumenkume byatene bantu ba Yehova: Tamba mu 1914 kutūla mu 1918, Befundi ba Bible ba mu Beletanye ne ba mu Alemanye bakutyilwe. Mu 1918, batutu ba ku kité kya mu États-Unis bakutyilwe.
    Bupolofeto 1.

    Bisonekwa: Kus. 11:7; 12:13, 17; 13:1-8, 12

    Bupolofeto: “Kinyema kya ntanda” kinangakana pa ntanda mu myaka tutwa na tutwa. Mu kitatyi kya ku mfulo, mutwe wakyo wa busamba-bubidi i mutapwe. Mwenda mafuku, mutwe wakoma kadi “bantu ba ntanda yonso” balonda kinyema. Satana wingidijanga kino kinyema mwanda wa “kukatamba divita bashele’ko.”

    Kufikidila: Pa kupwa kwa Dilobe, maludiki a bantu ālwile na Yehova. Myaka tutwa na tutwa pa kupita’po, mu Divita I dya Ntanda, Umbikalo wa Beletanye wazoza bininge. Kupwa waikala monka na bukomo pobelungile na États-Unis. Nakampata mu kitatyi kya ku mfulo, Satana wingidijanga maludiki andi onso a politike mwanda wa kupangapanga bantu ba Leza.

  • Bupolofeto 2.

    Bisonekwa: Dan. 11:25-45

    Bupolofeto: Mulopwe wa kungala ne mulopwe wa kunshi belwa mu kitatyi kya ku mfulo.

    Kufikidila: Umbikalo wa Alemanye ne Angeletele-Amerika belwa. Mu 1945 Inio Sovietike ne bamukūkile abaikala bu mulopwe wa kungala. Mu 1991, Inio Sovietike wapone, kadi mwenda mafuku, Rusi ne bamukūkile waikala ke mulopwe wa kungala.

  • Bupolofeto 3.

    Bisonekwa: Isa. 61:1; Mal. 3:1; Luka 4:18

    Bupolofeto: Yehova watume “mukendi” wandi wa ‘kutōkeja dishinda’ kumeso kwa Bulopwa bwa Meshiasa kushimikwa. Kino kisumpi kyashilwile kusapwila “betyepeje myanda miyampe.”

    Kufikidila: Tamba mu myaka ya 1870 ne kwenda kumeso, Tutu Charles Taze Russell ne balunda nandi baingile bininge mwanda wa kushintulula bubine bwa mu Bible. Mu myaka ya 1880, bashilwile kulombola’mba bengidi ba Leza bafwaninwe kusapula. Balupula kishinte kinena’mba, “Kusakilwa Basapudi 1000” ne kikwabo kinena’mba, “Bashingwe Māni Mwanda wa Kusapula.”

  • Bupolofeto 4.

    Bisonekwa: Mat. 13:24-30, 36-43

    Bupolofeto: Walwana wakune biyombo bityani mu budimi bwa ñano, abebileka bitame ne kujikakanya ñano enka ne bifika kitatyi kya mwangulo; kupwa abasansanya biyombo bityani na ñano.

    Kufikidila: Tamba ku mfulo kwa myaka ya 1800 ne kwenda kumeso, bene Kidishitu ba bine bashilwile kwisansanya na bene Kidishitu ba bubela. Mu kitatyi kya ku mfulo, bene Kidishitu ba bine bakongakanibwe ne kusansanibwa na bene Kidishitu ba bubela.

  • Bupolofeto 5.

    Bisonekwa: Dan. 2:31-33, 41-43

    Bupolofeto: Binyantyilo bya kyuma ne dilongo bya nkishi i bilongwe na bintu palapala.

    Kufikidila: Dilongo dyelekeja bantu bapela muludikilo wa Umbikalo wa Ntanda wa Angeletele-Amerika. Bano bantu batyepejanga bukomo bwa kulonga bintu pamo bwa kyuma budi na uno umbikalo wa ntanda.

  • Tabulo 2 pa 4, ulombola bupolofeto bufikidile mwa kimo mu kitatyi kya ku mfulo, tamba dya mu 1919 kutūla mu 1945. Alemanye wayukene bu mulopwe wa kungala mu 1945. Umbikalo wa Ntanda wa Angeletele-Amerika ubayukana bu mulopwe wa kunshi. Bupolofeto 6: Mu 1919, bene Kidishitu bashingwe māni abakongakanibwa mu kipwilo kijokejibwe. Tamba mu 1919 ne kwenda kumeso, mwingilo wa busapudi ubaendelela kumeso. Bupolofeto 7: Mu 1920, babunda’ko Kitango kya Mizo kyaikele’ko kufika ku ngalwilo kwa Divita II dya Ntanda. Kadi i kyelekejibwe na: Bupolofeto 1, kinyema kya ntanda kya mitwe isamba-ibidi, kikidi’ko. Bupolofeto 5, binyantyilo bya kyuma ne dilongo, bikidi’ko. Binkumenkume bya ntanda bya tamba mu 1939 kutūla mu 1945, Divita II dya Ntanda. Binkumenkume byatene bantu ba Yehova: Tamba mu 1939 kutūla mu 1945, mu Alemanye mwakutyilwe Batumoni 11 000. Tamba mu 1939 kutūla mu 1945, bakutyile Batumoni kubwipi kwa 1 600 mu Beletanye. Tamba mu 1940 kutūla mu 1944, kibumbo kya bantu 2 500 kyatambile’dyo Batumoni mu États-Unis.
    Bupolofeto 6.

    Bisonekwa: Mat. 13:30; 24:14, 45; 28:19, 20

    Bupolofeto: “Ñano” ibakongakanibwa mu “kibīko” kadi “umpika mukōkele ne mudyumuke” watongwe kulama “bengidi . . . ba mu njibo.” Musapu wa “myanda miyampe ya Bulopwe” ubashilula kuzambalala pa “ntanda yonso ikelwe na bantu.”

    Kufikidila: Mu 1919 umpika mukōkele watongelwe kulama bantu ba Leza. Tamba mu uno mwaka ne kwenda kumeso, Befundi ba Bible baingile bininge mwingilo wabo wa busapudi. Dyalelo, Batumoni ba Yehova basapulanga mu matanda 200 ne kupita ne kulupula mabuku esambila pa Bible mu ndimi 1 000 ne musubu.

  • Bupolofeto 7.

    Bisonekwa: Dan. 12:11; Kus. 13:11, 14, 15

    Bupolofeto: Kinyema kya ntanda kya masengo abidi kyakweshe ku kulonga “kyelekejo kya kinyema kya ntanda” ne kupa ‘kyelekejo umpuya.’

    Kufikidila: Umbikalo wa Ntanda wa Angeletele-Amerika wakweshe ku kubunda Kitango kya Mizo. Kino kitango kyakwatakanibwe na mizo mikwabo. Mwenda mafuku, mulopwe wa kungala nandi welunga na kino Kitango, tamba’tu mu 1926 kutūla mu 1933. Pamo bwa Bumo bwa Mizo (O.N.U) bwalondele’po, kino Kitango kyatumbijibwe ntumbo ifwaninwe’nka Bulopwe bwa Leza kete.

  • Tabulo 3 pa 4, ilombola bupolofeto bufikidīle mwa kimo mu bitatyi bya ku mfulo, tamba mu 1945 kutūla mu 1991. Inio Sovietike ne boba bamukūkile, wayukene bu mulopwe wa kungala kufika ne mu 1991, kupwa ke Rusi ne boba bamukūkile. Umbikalo wa Ntanda wa Angeletele-Amerika wayukene bu mulopwe wa kunshi. Bupolofeto 8: Mwishi wa bombe atomike, ulombola musala mukatampe waletele Umbikalo wa Ntanda wa Angeletele-Amerika. Bupolofeto 9: Bumo bwa Mizo bwaikele’ko mu 1945, bwapingakena pa Kitango kya Mizo. Kadi i bwelekejibwe na: Bupolofeto 1, Kinyema kya ntanda kya mitwe isamba-ibidi, kikidi’ko. Bupolofeto 5, binyantyilo bya kyuma ne dilongo, bikidi’ko. Bupolofeto 6, Mu 1945 kwadi basapudi 156 000 ne musubu. Mu 1991, kwadi basapudi 4 278 000 ne musubu. Binkumenkume byatene bantu ba Yehova: Tamba mu 1945 kutūla mu myaka ya 1950, Batumoni tununu ne tununu ba mu Inio Sovietike baselēlwe bu misungi ku Siberi.
    Bupolofeto 8.

    Bisonekwa: Dan. 8:23, 24

    Bupolofeto: Mulopwe wa mpala ya bukalabale waleta ‘musala mu muswelo utulumukwa.’

    Kufikidila: Umbikalo wa Ntanda wa Angeletele-Amerika waletele musala mukatampe. Kimfwa, mu Divita II dya Ntanda, États-Unis waletele musala kewamwekele kashā pawaelele mabombe atomike abidi pa walwana nandi.

  • Bupolofeto 9.

    Bisonekwa: Dan. 11:31; Kus. 17:3, 7-11

    Bupolofeto: Kinyema kya “musombelo utyila pyā” kya masengo dikumi kyabuka mu lupongo kadi i mulopwe wa mwānda. Mukanda wa Danyele utela uno mulopwe bu “kintu kya mukenye kileta musala.”

    Kufikidila: Kitango kya Mizo kyalekele kwingila mu Divita II dya Ntanda. Divita pa kupwa, “batūla’ko” Bumo bwa Mizo. Pamo bwa Kitango kya Mizo, Bumo bwa Mizo nabo bwatumbijibwe ntumbo ifwaninwe Bulopwe bwa Leza kete. Bumo bwa Mizo bukatamba bipwilo divita.

  • Tabulo 4 pa 4, ilombola bupolofeto bwafikidile mwa kimo mu kitatyi kya ku mfulo, tamba mu ano etu mafuku kutūla ne pa Amakedona. Rusi ne bamukūkile, wayukana bu mulopwe wa kungala. Umbikalo wa Ntanda wa Angeletele-Amerika ubayukana bu mulopwe wa kunshi. Bupolofeto 10: Bendeji ba ntanda abaela lubila lwa ‘ndoe ne mutyima-ntenke.’ Kupwa, kyamalwa kikatampe kibashilula. Bupolofeto 11: Mizo ilwa malongolodi a bipwilo bya bubela. Bupolofeto 12: Maludiki a ntanda alwa bantu ba Leza. Bashingwe māni bashele’ko abakongakanibwa momwa mūlu. Bupolofeto 13: Amakedona. Yewa ushikete pa kabalwe katōka wanekenya bulwi bwandi. Kinyema kya mitwe isamba-ibidi kibaonakanibwa; nkishi mukatampe wavingakanibwa ku binyantyilo bya kyuma ne dilongo. Kadi byelekejibwe na: Bupolofeto 1, kinyema kya mitwe isamba-ibidi, kikidi’ko kufika ne ku Amakedona. Bupolofeto 5, binyantyilo bya kyuma ne dilongo, bikidi’ko kufika ne pa Amakedona. Bupolofeto 6, dyalelo kudi basapudi 8 580 000 ne kupita. Binkumenkume bitana bantu ba Yehova: Mu 2017, ba lupusa ba mu Rusi bakutyile Batumoni ne kwibayata mobo abo a musambo.
    Bupolofeto 10 ne 11.

    Bisonekwa: 1 Ts. 5:3; Kus. 17:16

    Bupolofeto: Mizo yela lubila lwa “ndoe ne mutyima-ntenke,” ebiya “masengo dikumi” ne “kinyema kya ntanda” abatambe’dyo “ndumba” ne kumonakanya. Kupwa, mizo ibaonakanibwa.

    Kufikidila: Mizo ibwanya kunena’mba ibafikila pa kitungo kya kuleta ndoe ne mutyima-ntenke. Ebiya mizo ikwatakenye Bumo bwa Mizo ikonakanya malongolodi a bipwilo bya bubela. Ino yo ikekala ñanjilo ya kyamalwa kikatampe. Kino kyamalwa kikafula pakonakanibwa ngikadilo yonso ya ntanda pa Amakedona.

  • Bupolofeto 12.

    Bisonekwa: Ezk. 38:11, 14-17; Mat. 24:31

    Bupolofeto: Koka ukatamba ntanda ya bantu ba Leza. Kupwa, bamwikeulu bakakongakanya “batongwe.”

    Kufikidila: Mulopwe wa kungala, wingidila pamo na maludiki a ntanda, ukatamba bantu ba Leza. Kitatyi kampanda pa kupwa kuno kutambwa kushilula, bashingwe māni bashele’ko bakakongakanibwa momwa mūlu.

  • Bupolofeto 13.

    Bisonekwa: Ezk. 38:18-23; Dan. 2:34, 35, 44, 45; Kus. 6:2; 16:14, 16; 17:14; 19:20

    Bupolofeto: “Yewa wadi ushikete” pa “kabalwe katōka” wavuya “bushindañani bwandi” na konakanya Koka ne kibumbo kyandi kya divita. “Kinyema kya ntanda” kibaelwa “mu dijiba dya mudilo,” ne nkishi mukatampe nandi wavingakanibwa.

    Kufikidila: Yesu, Mulopwe wa Bulopwe bwa Leza, usa kwiya kukūla bantu. Aye pamo ne bantu 144 000 bakaludika nabo ne bibumbo byandi bya bamwikeulu, ukonakanya mizo mikutyile mu bumo, ne maludiki onso a politike a Satana.

    Mabuku a mu Kiluba (1993-2025)
    Tamba
    Twela
    • Kiluba
    • Tumina
    • Byosaka
    • Copyright © 2025 Watch Tower Bible and Tract Society of Pennsylvania
    • Bijila bya Mwingidijijo
    • Bitala Myanda Mifyame
    • Mwa Kujadikila Myanda Mifyame
    • JW.ORG
    • Twela
    Tumina