Ubwanya Kutonga Mukekadila Būmi Bobe bwa Kumeso
Pano ke padi kintu kya myaka 3 500, Yehova Leza wālombwele bantu bādi bamutōta bintu byobādi bafwaninwe kulonga pa kukekala na būmi bulumbuluke bwa kumeso, amba: “Natūla būmi ne lufu ku meso obe, dyese ne mafingo; ufwaninwe kutonga būmi amba wikale mūmi, abe ne lutundu lobe.”—Kupituluka mu Bijila 30:19.
Pa kwikala na būmi buyampe, bano bantu bādi bafwaninwe kukwata butyibi buyampe. Netu tukwatanga butyibi bumo bonka ne dyalelo. Bible ulombola mwa kutongela būmi bulumbuluke bwa kumeso, amba: “[Na] kusanswa Yehova Leza obe, kwivwana diwi dyandi.”—Kupituluka mu Bijila 30:20.
LE TUKASANSWA YEHOVA NE KWIVWANA DIWI DYANDI NAMANI?
WIFUNDE BIBLE: Pa kusanswa Yehova, ufwaninwe bidi kwifunda myanda yandi idi mu Bible. Kitatyi kyowifunda ukamona’mba i Leza wa buswe ukusakila biyampe. Ukwita ulombele kwadi “mwanda aye [ukutele] mutyima.” (1 Petelo 5:7) Bible i mulaye amba shi ulonge bukomo bwa kumufwena, ‘nandi ukakufwena.’—Yakoba 4:8.
INGIDIJA BYOWIFUNDA: Kwivwana Leza i kulonda bulombodi bwandi bwa tunangu budi mu Bible. Shi ulonge namino, “ukanekenya dishinda dyobe ne kadi ukalonga bintu na tunangu.”—Yoshua 1:8.
a Udi’po pano mu ndimi isamba-ibidi ya mu Azia, kubadila’mo ne lwa Madarin ne Kishinwa Kantone.