Manwa A Kwifunda

Mwa Kusokwela Byabulēme bya Padi Yehova

Potutanga Bible, tubwanya kwingidija bingidilwa palapala bya kwifunda nabyo mwanda wa kwivwanija senene byotutanga. Inoko, ketusakengapo kwifunda mwanda’tu wa kuvudija buyuki bwetu bwa Bible. Byabulēme bitala pa bumuntu bwa Yehova biketukwasha tumusanshilwe’ko bininge. Pa kufikila’po, tubwanya kwiipangula’mba, ‘Le ino nsekununi ya mu Bible imfundija bika padi Yehova?’

Kimfwa, ubwanya kulonga bukomo bwa kukimba kuyukila’ko muswelo ulombwele Yehova ngikadila yandi mikatampe ya buswe, tunangu, boloke, ne bukomo. Inoko, Yehova kadipo’tu enka na ino ngikadila. Udi ne na ngikadila mikwabo milumbuluke. Le i kwepi kobwanya kutanina’ko myanda mikwabo īsambila pa ngikadila yandi?

Tala mulongo wa ngikadila 50 mu dibuku Index des publications des Témoins de Jéhovah mu mutwe wa mwanda unena’mba “Jéhovah,” kupwa mu kamutwe ka mwanda “Qualités par nom.” Kimba’mo ngikadila ikwatañene na nsekununi yotanga. (Shi udi’tu enka na Dibuku dya Bukimbi dya Batumoni ba Yehova, tala mutwe wa mwanda unena’mba “Yehova Leza,” kupwa mu kamutwe ka mwanda “Ngikadila ya Yehova.”)