Manwa a Kwifunda

Wifunde Kukwatyila ku Mutwe “Ñimbo ya ku Mushipiditu”

“Kitatyi kyontyumukwa mutyima, Yehova unkankamikanga kupityila ku ñimbo ya ku Televijo ya JW.”—Lorraine, États-Unis.

“Ñimbo ya ku mushipiditu” ikalanga nyeke bu kipindi kya mu butōtyi bwa bwine Kidishitu. (Kol. 3:16) Shi wifunde kukwatyila ñimbo ku mutwe, ibwanya kukukwasha nansha ke kitatyi kyokudipo na dibuku dya ñimbo nansha kingidilwa kya busendwe. Tompa kwingidija ano manwa pa kukwatyila ñimbo ku mutwe.

• Tanga binenwa na katentekeji mwanda wa kwivwanija buluji. Ubwanya kupēlelwa kuvuluka myanda shi wiivwanije. Binenwa bya ñimbo yetu yonso, kubadila’mo ñimbo ya ntentekelo ne ñimbo ya bana, bidi pa jw.org. Mu kipindi Kibīko, enda mu Minjiki.

• Lemba binenwa ku makasa. Kulonga namino kukakukwasha upēlelwe kwibivuluka.—Kup. 17:18.

• Wiibidije na diwi ditunduke. Tanga nansha kwimba lwimbo misunsa mivule.

• Tompa lute lobe. Tompa kuvuluka binenwa pampikwa kutala pobilembelwe, kupwa tala shi ubabwanya.