Kesha’nka Kukesha na Kwifunda na Mushike

Tanga Danyele 9:1-19 mwanda wa kumona kamweno kadi mu kwifunda na mushike.

Bandaula myanda idi mu mavese abadikile ne alonda’ko. Le i binkumenkume’ka byādi bikitamba mu kulongeka, ne byātengele namani būmi bwa Danyele? (Dan. 5:29–6:5) Le wadi wa kwiivwana namani shi abe ye wādi Danyele?

Kimba kuyukila’ko myanda mikwabo. Le i ‘mikanda’ka ikola’ padi yātangile Danyele? (Dan. 9:2, kunshi kwa dyani.; w11-F 1/1 p. 22 mus. 2) Mwanda waka Danyele wēsāshile bubi bwandi ne bwa muzo wa Isalela? (Levi 26:39-42; 1 Ba. 8:46-50; dp 182-184) Le milombelo ya Danyele ilombola namani amba wādi wifunda Kinenwa kya Leza na mushike?—Dan. 9:11-13.

Langulukila pa ñeni yobwanya kuboilla’ko. Wiipangule amba:

• ‘Le i muswelo’ka ombwanya kwepuka kulabikwa na bintu bilongeka mu ino ntanda?’ (Mika 7:7)

• ‘Le nkamwena namani mu kwifunda Kinenwa kya Leza na mushike pamo bwa Danyele?’ (w04 1/8 p. 22 mus. 17)

• ‘Le i myanda’ka yombwanya kwifunda mu kifundwa kyami kya pa kasuku ikankwasha “nkeshe’nka kukesha”?’ (Mat. 24:42, 44; w12 1/8 p. 13 mus. 7-8)