Ingidija ‘Kyabuntu Kyobe kya ku Mushipiditu’

Batwe bonso tusakanga kwikankamika na batutu ne bakaka batame ku mushipiditu. Inoko kuno kwikankamika kulomba bivule kutabuka’ko’tu kwikala pamo. Bible utela bukomo bwetu bwa kwikankamika mu lwitabijo batwe bene na bene, bu ‘kyabuntu kya ku mushipiditu.’ (Loma 1:​11, 12) Le i muswelo’ka otubwanya kwingidija ne pa mfulo kino kyabuntu?

Kankamika bakwabo na binenwa biyampe. Kimfwa, tubwanya kuleta malondololo ku kupwila emanine padi Yehova, pa Kinenwa kyandi, ne pa bantu bandi, pa kyaba kya oa emanine pa batwe bene. Kitatyi kyotwisamba na banabetu mu lwitabijo, tubwanya kutonga kwisambila pa myanda ikankamika.

Kankamika bantu bakwabo kupityila ku butyibi bobe ne bilongwa byobe. Kimfwa, bamo i batonge kushala mu mwingilo wa kitatyi kyonso nansha byobekonda na makambakano. Bakwabo batanwanga ku kupwila kwa mu bukata bwa yenga kitatyi ne kitatyi nansha byobavudīlwe bya kulonga kadi nansha shi babela misongo ya zenzeka.

Le ukankamikanga batutu ne bakaka kupityila ku bilongwa ne binenwa byobe? Le nobe witabijanga kukankamikwa na batutu ne bakaka?