Le Leza Ushikete mu Kifuko Kampanda?

Bilondolola Bible

En-en. Leza ushikete mu kifuko kampanda, mūlu. Langulukila pa bino bisonekwa bya mu Bible:

Mulopwe Solomone wālombele amba: “Ivwana’po mwamo mūlu, mu kīkalo kyobe.”—1 Balopwe 8:43.

Yesu Kidishitu wāfundije bandi bana ba bwanga balombe kudi ‘Shabo wa mūlu.’—Mateo 6:9.

Pāsangwilwe Yesu wātwelele “mūlu mwine, mwanda wa kumweka ku meso a Leza.”—Bahebelu 9:24.

Ano mavese alombola patōkelela’mba, Yehova Leza i muntu udi’ko bine ne amba kashikatangapo ponso, ino ushikete’nka mūlu.