Le I Kika Kyotwikadile’ko?

Bilondolola Bible

Kipangujo kya kuyuka kine kyotwikadile’ko kibwanya kwipangulwa mu miswelo mivule, kimfwa mwanda waka tudi’ko? Le būmi bwami budi na kitungo? Bible ulombola’mba kupwana na Leza kyo kitungo kya būmi bwetu. Tala buno bubine bwa kamweno bufundija Bible.

• Leza i Umpangi wetu. Bible unena’mba: “I [Leza] wetulongele, ke batwe benepo.”​—Ñimbo ya Mitōto 100:3; Kusokwelwa 4:11.

• Leza wāpangile kintu kyonso na kitungo, kubadila’mo ne batwe bantu.​—Isaya 45:18.

• Leza i mwitupange na mutyima wa kusaka kumuyuka ne wa kwikala na būmi bwa kitungo. (Mateo 5:3) Usakanga tuvuije bisakasaka mutyima wetu.​—Ñimbo ya Mitōto 145:16.

• Tuvuijanga bisakibwa byetu bya ku mushipiditu na kupwana na Leza. Nansha bantu bamo byobamona’mba kebibwanikapo kupwana na Leza, inoko Bible aye witukankamika’mba: “Fwenai kudi Leza, nandi ukemufwena.”​—Yakoba 4:8; 2:23.

• Pa kwikala balunda na Leza, tufwaninwe kwiendeja mungya byobya byaetusakila. Bible i mwibilombole mu Musapudi 12:13 amba: “Tyina Leza wa bine kadi lama mbila yandi, mwanda kino kyo kine kifwaninwe kulonga muntu.”

• Mu mafuku āya kumeso tukamwena ne pa mfulo mu mpango mibajinjibajinji ya Leza kitatyi kyakatalula’ko masusu ne kupa balunda nandi būmi bwa nyeke, ke boba bamutōta kadi.​—Ñimbo ya Mitōto 37:10, 11.