Kunshi kwa Dyani

b Batumoni ba Yehova, mu mwingilo wabo wa kuyukanya Bulopwe bwa Leza, kebekujangapo mu myanda ya kipolitike nansha kukwata nkuku ya kutombokela imbikalo ya bantu, nansha ke mu matanda mobebakankeje ne mobebapangapanga mwine. (Tetusa 3:1) Ino bakwashanga bantu bukwashi buyampe, bwa ku mushipiditu, bwakubulwa kwikuja mu myanda ya kipolitike, balonda mu lwayo lwa Yesu ne bandi bana-babwanga ba mu myaka katwa imbajinji. Batumoni baloñanga buninge bwa kukwasha bantu ba mityima myoloke ba mu bibundi byabo nabo balonde ngikadilo milumbuluke inenwe mu Bible, kifwa buswe bwa mu kisaka, kubulwa budimbidimbi, butōki bwa mu mwikadilo, ne mwa kwikadila bengidi bayampe. Dibajinji, baloñanga buninge bwa kufundija bantu bayuke kulonda misoñanya ya mu Bible ne kutūla kikulupiji mu Bulopwe bwa Leza amba lo lukulupilo lwabinebine lwa bantu.