Kunshi kwa Dyani

a Gordon Fee, mufundi wa Bible, ushintulula bino binenwa byānene Polo amba “buswe budi na kutūkija mutyima ne kanye” namino amba: “Mu myanda ya Leza yāfundije Polo ino ngikadilo ya [kutūkija mutyima ne kanye] ifunkila pa mitamba ibidi ya mwikadilo wikele Leza na bantu (tala Loma 2:4). Ku mutamba umo, kutyumuna kutyumwina Leza mu manwi na buswe kumwekanga pa kujokeja kwajokejanga bukalabale bwandi kunyuma shi bantu abamutombokela; ku mutamba mukwabo nako, kanye kandi kamwekanga mu kufwila kwafwilanga bantu lusa misunsa tununu ne tununu. O mwanda kusasabula kusasabwile Polo mwikadile buswe i kushilule na bino bintu bibidi bilombola mwikadile Leza wilombwele kupityila kudi Kidishitu bu Leza utyumwina mu manwi kadi wa kanye ku boba badi ba kuponenwa na butyibi bwandi.”