Kunshi kwa Dyani

a Nansha byalamwine Mabible mavule kishima kya Kihebelu ’eʹrets bu “ntanda” pa kyaba kya “panshi,” kekudipo bubinga bwa kukadikijija ’eʹrets udi mu Mitōto 37:11, 29 enka ku ntanda yāpelwe muzo wa Isalela kete. Dibuku Old Testament Word Studies dilembelwe na William Wilson dishintulula kishima ’eʹrets amba i “ntanda mu buluji bonso, yoya ibwanya kwikalwa nansha yoya keibwanyapo kwikalwa’mo; shi kibaingidijibwa na kishima kikwabo kifunkila pa kintu kiluji, kibwanya kufunkila pa kipindi kimo kya pano panshi, pa katanda nansha ntanda mikalwe.” O mwanda nshintulwilo minemine ya kino kishima kya Kihebelu ifunkila pa ino yetu ntanda, nansha umbuo onso, pano panshi.—Tala Kiteba kya Mulami kya 1 Kweji 1, 1986, paje 31, Falanse.