-
‘Isalela wa Leza’ ne “Kibumbo Kikatampe”Kiteba kya Mulami—1995 | Kweji 7 1
-
-
8 Isalela pākidi na kikokeji, wāitabije bubikadi bwa Yehova ne bāmwitabije bu Mulopwe wabo. (Isaya 33:22) Omwanda, bwādi bulopwe. Ino, nka na mokyāsokwedilwe mafuku pakupitapo, mulao wa “bulopwe” wādi ufwaninwe kushintulula bivule kupita kino. Kupityidila, pobākokele ku Bijila bya Yehova, bādi batokejibwe, besansenye na mizo yādi ibajungulukile. Wādi muzo ujila. (Kupituluka 7:5, 6) Lelo bwādi bulopwe bwa bitobo? Eyo, mu Isalela musaka wa Levi owātudilwe pafula mwanda wa kuvuija mingilo ya mu tempelo, ne umbukata mwa uno musaka mwādi Mwingilo wa Bitobo bene Levi. Mukanda-wabijila wa Mosesa powāshilwile kwingidijibwa, bana-balume bene Levi bāselelwe mwanda wa kupingakena bāna babedi ba mu bisaka byonso kebyādi bya bene Levi.a (Divilu 22:29; Umbadilo 3:11-16, 40-51) Omwanda, kisaka ne kisaka mu Isalela, na mokyādi kilongelwa, kyādi na muntu wādi wikimanine mu mwingilo wa mu tempelo. Uno mulongelo wādi kubwipi na kupa muzo mutuntulu mwingilo wa bu kitobo. Inoko, bādi bemanine Yehova kumeso a mizo. Mweni yense wādi usaka kutōta Leza wabine wādi ufwaninwe kwikilonga umbumo pamo na Isalela.—2 Bilongwa 6:32, 33; Isaya 60:10.
-
-
‘Isalela wa Leza’ ne “Kibumbo Kikatampe”Kiteba kya Mulami—1995 | Kweji 7 1
-
-
a Pāshilwile mwingilo wa bu kitobo mu Isalela, bana babedi ba mu bisaka kebyādi bya bene Levi byādi mu Isalela ne bana-balume ba mu musaka wa Levi bādi babalwa. Kwādi bāna babedi 273 kupita bana-balume bene Levi. Omwanda nanshi, Yehova wāletele mbila amba mwana ne mwana wādi ufwaninwe kufuta shekele itano bu kitapwa kyabukudi pamwanda wa kibalwa ne kibalwa kitabukile buvule bufwaninwe.
-