Dibuku dya Leza—I kya Bulēme

1. Kudi dibuku dipāna nsangaji,

Ndoe ne lukulupilo pamo;

Didi na bukomo, dipāna būmi.

Dyalwija “bampofu” meso abo.

I Mukanda Ujila wa kwa Leza.

Wāsonekelwe kala na bantu;

Leza wēbapele byobālembele

Kupityila ku mushipiditu.

2. Bālombwele’mo bupangi bwa Leza,

Bātendela ne bukomo bwandi.

Bēsambile pa Edena ne muntu

Umbajinji wājimije būmi;

Ne pa yewa mwikeulu ntomboki

Wālwile bubikadi bwa Leza.

Popātwelele bubi pano panshi,

Ino Yehova ukanekenya.

3. Pano tusangalei batwe bonso.

Yesu Mulopwe ke mubikale.

Leza kaiya kupandija bantu

Balonda misoñanya myoloke.

I musapu muyampe wa kwa Leza;

Tudye ano masobo manune.

Aleta ndoe ku muzo wa muntu.

Yo, tanga’po kino kya bulēme!