Masomo A Mwingilo Wa Kiteokratike Mu 1998

Masomo abwanya kushintululwa bu kifuko kutambulwanga buyuki ne manwa mapya. Tufundijibwanga kitatyi kyonso buyuki bwa Leza ku Masomo a Kiteokratike. Kadi kupityija mīsambo ku ano masomo kwitukwashanga tutamije manwa etu mu myanda ya bufundiji ne bwino bwa buneni. Mu 1998, ino mpangiko ya masomo iketupa monka mikenga mivule ya kwendelela kumeso kumushipiditu.

Shi tubandaule mpangiko ya uno mwaka, tukajingulula’mba mwisambo No. 3 ukemanina dimodimo pa muntu kampanda utelelwe mu Bible wisambilwe’po mu dibuku Auxiliaire. Kadi mukamona’mba dibuku Kisaka nadyo i ditūlwe mu mpangiko, dikabandaulwa mu mwisambo No. 3 ne No. 4. Wimvwane mwisambo No. 4 wimanine pa dibuku Kisaka, nankyo tutu umo ukeulonga bu kishinte. Vulukai amba yewa yense upityija kishinte ku masomo kafwaninwepo kutabuka kitatyi kimutungilwe.

Kintu Kipya: Pa mwanda wa kamweno ketu, i kutūlwe “Mpangiko ya Ntentekelo ya Butangi bwa Bible” ilombwelwe mu tuboko kupwa’tu nimelo ya lwimbo lwa mu mwine yenga’ya. Twitungilei kitungo kya kwiilonda, nansha shi kekudipo kipindi kya mu mpangiko ya masomo ya mu yenga kisambila’po. Kino kiketupa kibidiji kya kutanga Bible difuku ne difuku, shi ketwashilwile kumutanga.

Shi musaka kuyukila’ko myanda mikwabo itala pa mīsambo, pa madingi ne pa kupituluka kwa kwandika, tangai na katentekeji bulombodi buletelwe mu “Mpangiko ya Masomo a Mwingilo wa Kiteokratike mu 1998” ne pa paje 3 mu Mwingilo Wetu wa Bulopwe wa kweji 11, 1996.

Shi kwaikele kwiandikija ku Masomo a Mwingilo wa Kiteokratike, wiandikije’ko panopano. Ano masomo a pa bula akingila mwingilo wa mvubu mikatampe mu kufundija bengidi ba Yehova betyepeje kadi bepāne, ebapa manwa a kufikila pa bu bengidi bakumbanye senene shē.​—⁠1 Tem. 4:​13-16.

[Binenwa bya Kifwatulo pa paje 7]

Misapu

◼ Mabuku akapānwa mu Kweji 12: Buyuki Butwala ku Būmi Bwanyeke pamo ne Bible Traduction du monde nouveau. Kweji 1: Mabuku onso a mapaje 192 alupwilwe kumeso kwa 1985 akidi mu kibīko kya pa kipwilo. Bipwilo byambulwa ano mabuku bikapāna dibuku La paix et la sécurité véritables: comment est-ce possible? nansha Ukokeja kwikala ne būmi bwanyeke mu Paladisa pano pantanda. Kweji 2: Lufungulo lwa Būmi Bwansangaji mu Kisaka. Kweji 3: Buyuki Butwala ku Būmi Bwanyeke. Tukalonga bukomo bwa pa bula mwanda wa kushilula bifundwa bya Bible.

◼ Bipwilo bikashilula kulomba mavolime reliye a Kiteba kya Mulami ne Amkeni! a mu 1998 ku komande ya mabuku ya Kweji 12. Mavolime reliye akekala’ko mu Angele ne mu Falanse. Shi keaile, nankyo pa papye palembwanga mabuku emutuminwa pakasonekwa’mba “Pending” (Ilaijai’ko, akīya). Yukai amba mavolime reliye alombwanga ku komande ya pa bula.

◼ Mutadi mwimaniji nansha tutu mukwabo wakatonga ukabala lubalo lwa kipwilo mu 1 Kweji 12 nansha kinondanonda na dino difuku. Shi mubalonga luno lubalo nabya yukijai’lo kipwilo ku misapu kupwa kwa kutanga lapolo wa lubalo lulonda’ko.

◼ Kivulukilo kya mu mwaka wa 2000 kikalongwa mu dya Busatu mafuku 19 Kweji 4 pa kupwa kupona kwa dyuba. Tubemuyukija dino difuku kumeso kwa kitatyi mwikale kukwatyila bifuko nansha njibo ya kufutyila, ku boba badi na bipwilo bivule bengidija Njibo ya Bulopwe imo, bakapēlelwa kutana’ko mobo makwabo. Bakulumpe bafwaninwe kwiteleka biyampe na bene bemanine myanda ya mobo kutyina’mba kwakekala kavutakanya ka bantu bakwabo ku mobo afutyilwa, kyotukimba i Kivulukilo kipite mu ndoe ne ndudi ponka. Uno byoudi mwanda mukatampe mpata, kitango kya bakulumpe kikatonga mukulumpe wabwino bwabinebine bu muneni wa kishinte kya Kivulukilo, kupita’ko kwitonga enka momwilondela mu mulongo nansha kwingidija tutu umo mwaka ne mwaka. Mubwanya kwalamuna shi enka kudi mukulumpe mushingwe-māni ubwanya kunena kishinte.

◼ Mukanda udi na mutwe wa mwanda unena’mba The Guidance of God​—⁠Our Way to Paradise (Buludiki bwa Leza​—⁠Dishinda Dyetu Ditwala ku Paladisa, Angele) usa kulupuka panopano ponka. Uno mukanda i mulupwilwe bamizilma badi mu ngikadilo yobakokeja kwifunda Bible mu bwanapabo. Ukalupulwa mu dimi 20 ne kupita. Shi pano’ko bidi mukokeja kwiulomba mu Angele kete. Shi ubalupulwa mu ndimi mikwabo, nankyo mukatambula musapu.

◼ Kweji Umbajinji udi na madya Yenga ne madya Mposo atano atano, kino kikapa bavule mukenga wa kulomba bu pania mukwashi mu mwine kweji’u.