KIPINDI 1

Le Tutejanga Leza Namani?

Leza wisambanga netu kupityila ku Bible. 2 Temote 3:16

Leza wāpele bantu mushipiditu wa kwandika Bible aye papo ushikete pa lupona mūlu

Leza wa bine wāludikile bantu basoneke milangwe yandi mu dibuku dimo dijila. Dino dibuku i Bible. Mudi myanda ya kamweno ikusakila Leza uyuke.

Leza uyukile byonso bitufwaninwe, kadi ye Nsulo ya tunangu tonso. Shi umuteje, usa kwikala wa ñeni bya binebine.—Nkindi 1:5.

Bible mu ndimi mivule; mwana-mulume utanga Bible mu ludimi lwabo

Leza usakanga muntu yense pano pa ntanda atange Bible. Pano Bible udi mu ndimi mivule.

Shi usaka kuteja Leza, ufwaninwe kutanga Bible ne kumwivwanija.

Konsokonso bantu batejanga. Mateo 28:19

Kamoni wa Yehova utangila muntu kisonekwa, kupwa kaefunde nandi Bible

Batumoni ba Yehova bakakukwasha wivwanije Bible.

Bafundijanga bubinebine butala padi Leza pano pa ntanda ponso.

Kupwila ku Njibo ya Bulopwe ya Batumoni ba Yehova

Kukafutapo kantu nansha kamo pangala pa buno bufundiji. Kadi ukokeja kwifunda myanda itala padi Leza ku Njibo ya Bulopwe ya Batumoni ba Yehova mu kyenu kibundi.