Bengidi ba Bulopwe, Endai Kumeso!

1. Endelelai kusapula

Bulopwe ntanda yonso.

Na buswe bwa mityima yenu,

Kwashai bantu bonso.

Mwingilo wa Leza i dyese;

Tusapule mwanda wandi.

Endai nyeke mu budimi,

Tumbijai dijina dyandi.

2. A bengidi endelelai,

Bambilai ku būmi.

Londai mayo a Mfumwenu;

Mityima munda myūmi.

Myanda miyampe ya Bulopwe

Ivwanwe na bantu bonso.

Bukomo bwa Leza bukwasha,

Ketwakikwatwai moyo.

3. Bashingwe māni ne mikōko,

Twendelele kumeso.

Banunu, bana, ne bakaji,

Lamai bubine bonso.

Mwingilo wetu i ujila;

Butōtyi ke kiselapo.

Twi ba bine kudi Yehova,

Batōka mu ngikadilo.