Ingidija Mabuku Esambila pa Bible na Tunangu

Yesu wāfundije’mba: “Mubatambula ku bitupu, nenu pānai ku bitupu.” (Mat 10:8) Tulondanga buno bulombodi bwa patōkelela na kuleka kulomba bantu lupeto po twibapa Bible nansha mabuku etu esambila pa Bible. (2Ko 2:17) Ne kutatana kwine mpika, mu ano mabuku mudi bubine bwa mvubu butamba mu Kinenwa kya Leza. Kutampa ano mabuku ne kwiatuma ku bipwilo bya ntanda yonso, kulombanga bukomo bukatampe ne lupeto luvule. O mwanda tufwaninwe kusela enka oa otusakilwa.

Ikala na kusansanya po pāna mabuku ku bantu bakwabo, nansha ke mu busapudi bwa mu bifuko mudi bantu bavule. (Mat 7:6) Nansha ke popāna mabuku ku bapityeshinda, longa bukomo bwa kwisamba nabo mwanda wa kujingulula kusangela kwabo. Le ukokeja kulondolola en-en, ku kipangujo nansha kimo pa bino bipangwilwe mu kapango kadi kunshi’ku? Shi ubakomenwa kujingulula’mba muntu usangedile musapu, i biyampe kumupa trakte. Inoko, shi walombe dipepala nansha dibuku dikwabo, nabya tukasangela kumupa’dyo.​—Nki 3:27, 28.