KIFUNDWA 4

Ntwelelo Miyampe ya Bisonekwa

Mateo 22:41-45

MU KĪPI: Teakanya milangwe ya bevwaniki bobe kumeso kwa kutanga kisonekwa.

Yuka kine kyotangila kisonekwa. Ingidija ntwelelo ya kisonekwa ne kisonekwa mu muswelo ukokela milangwe ya bevwaniki pa mwanda mukatampe osaka kutyityija mu vese.

Tá mutyima ku mwanda wisambilwe’po. Myanda ipitulukilwe’mo telela’yo mwine unene’yo ne mikanda ya mu Bible nayo mulembi mwine ulembele’yo.
Kokela milangwe pa Bible. Kitatyi kyowisamba na bantu bakulupile mudi Leza, kokela milangwe pa Bible bu Kinenwa kya Leza, mu uno muswelo ukalombola’mba ye nsulo mikatampe ya tunangu.
Wibakwashe basangele bisonekwa. Ipangula kipangujo kikalondololwa na kisonekwa, kolomona mwanda ubwanya kupwijibwa na kisonekwa, nansha kuleta musoñanya obabwanya kwivwanija kupityila ku nsekununi ya mu Bisonekwa.

Tá mutyima ku bintu biyukile kala bevwaniki bobe pa mwanda’wa ne pa kisonekwa. Nansha ke kisonekwa kiyukene, ingidija ntwelelo mu muswelo usangaja, ne kukwasha bevwaniki bobe bayukile’ko kintu kipya.