Muleulwilo wa Diwi

Nkindi 8:4, 7

MU KĪPI: Lupwila milangwe patōka ne kulangula malango a bevwaniki na kushinta bukata bwa diwi, mukungwilo, ne mutabwilo wa diwi.

MWA KULONGELA:

• Shinta bukata bwa diwi. Kandija diwi pa kulupwila patōka myanda mikatampe ne kukunka mityima ya bevwaniki bobe. Longa uno muswelo ne kitatyi kyotanga myanda ya mu Bisonekwa itala butyibi. Tūkija diwi mwanda wa kupa bevwaniki kyumwa kya kwivwana myanda ilonda’ko nansha mwanda wa kulombola moyo ne kuzumbija mutyima.

• Shinta mukungwilo wa diwi. Shi i byendele’mo mu lwenu ludimi, kandija bininge mukungwilo wa diwi pa kumwekeja buzanzamuke nansha kulombola bukata ne bula bwa kintu. Tyepeja mukungwilo wa diwi pa kumwekeja bulanda nansha kuzumbija mutyima.

• Shinta mutabwilo wa diwi. Shi usaka kumwekeja nsangaji, nena bukidibukidi. Nena bityebitye shi konena myanda mikatampe.